Eskultoreak eta espazioak: Anthony Caro eta Eduardo Chillida

Würth Museoak Eskultoreak eta espazioak: Anthony Caro eta Eduardo Chillida inauguratu du, 2024an 100 urte beteko zituzten bi artisten 70 eskultura eta mural inguru biltzen dituen erakusketa hain zuzen. Anthony Carok (1924-2013) eta Eduardo Chillidak (1924-2002) beren eskulturekin arrastoa utzi dute leku askotan, baina formatu txikiko piezak ere partekatzen dituzte, baita erabilitako materialen aniztasuna ere. Erakusketak bi eskultoreen arteko ezberdintasunak nabarmentzen ditu, baina baita antzekotasunak ere, eskulturaren formari, materialari eta gaiari dagokienez posible zen esparrua etengabe aztertu baitzuten.

Beren lanarekin, bai Carok bai Chillidak mugak gainditu zituzten, abstrakzio eskultorikoaren ordezkari gisa aintzatetsiak izan ziren eta eskultura modernoaren garapenean nabarmen lagundu zuten. Gainera, bere lanak mundu osoko bilduma eta museo ospetsuetan kokatuta  daude eta aspalditik aberasten dute Würth Bilduma.