Eduardo Chillida 100 urte. Topalekua

Eduardo Chillida (1924–2002) artistaren jaiotzaren lehen mendeurrena dela eta, Eduardo Chillida – Pilar Belzunce Fundazioak bi urtez garatutako (2024–2026) oroitzapenezko programa bultzatu du, euskal eskultorearen ondarea balioan jartzeko eta zabaltzeko helburuarekin.

Eduardo Chillida 100 urte. Topalekua lelopean, mendeurrena diziplinen, lurraldeen eta belaunaldien arteko elkarrizketarako eta topaketarako gune ireki gisa planteatu da. Nazio mailako eta nazioarteko diziplina anitzeko programazio zabal baten bidez —erakusketak, argitalpenak, hezkuntza-ekimenak eta ikus-entzunezko proiektuak barne—, mendeurrenak berretsi egin du artistaren indarra eta balioak panorama artistiko globalean.

Eduardo Chillida – Pilar Belzunce Fundazioak bultzatu du programa, Kultura Ministerioaren, Eusko Jaurlaritzaren, Gipuzkoako Foru Aldundiaren eta Hernani eta Donostiako Udalen babesarekin eta kultur erakunde publiko eta pribatu askoren laguntzarekin.